Геофизикийн судалгаа

Хөрсөн доорх тандалт

Зарим тохиолдолд археологичид шинжлэх ухааны багаж хэрэгслийг ашиглан хөрсний шинж чанарын өөрчлөлтийг нарийн хэмжиж, зураглал хийдэг. Энэ нь орчин үеийн өнгөн хөрсний дор нуугдаж буй эртний үйл ажиллагааны ул мөрийг ямар нэг малтлага хийхгүйгээр олж тогтооход тусална. Үүнийг геофизикийн судалгаа гэж нэрлэдэг.

Эдгээр багажийг ашиглаж байгаа судлаачдыг харсан хүмүүс заримдаа үнэт эд зүйл эсвэл алт хайж байна гэж боддог. Гэвч эдгээр шинжлэх ухааны багажууд нь судлаачдад эртний түүхэн дурсгалт газрын талаар илүү их зүйлийг сурах боломжийг олгодог. Судлаачид эртний хүмүүсийн гар урлал, шавар болон төмөрлөг боловсруулалтын газруудыг тодорхойлох, тал хээрийн эртний хот суурин газрууд эртний Буддын сүм хийдийн бүтцийг ойлгох, судлахад эдгээр арга техникийг түлхүү ашигладаг.

Хамгийн нарийвчилсан геофизикийн судалгаа ч гэсэн бүрэн малтлагатай адил баялаг мэдээллийг өгч чадахгүй. Гэвч тухайн дурсгалт газрын талаар илүү гүнзгий ойлголттой болж, судалгаа, хадгалалтын хамгийн сайн сонголтыг хийхэд судлаачдад тусалдаг. Хэрэв дурсгалт газарт малтлага судалгаа хийх чухал шаардлагатай бол геофизикийн судалгаа нь хамгийн оновчтой, чухал мэдээлэл бүхий газруудыг сонгох боломж олгоно.